You are browsing the archive for Groot Familie Naamboek.
Oosthuizen (Oosthuyzen, Oosthuisen)
July 19, 2010
Betekenis: Dorp in Noord-Holland (Nederland).
Stamvader: Johannes Oosthuyzen of Oosthuysen, van Weert (Nederland). In 1691 burger in Drakenstein. Trou met Johanna Maartens, van Grypskerk in Groningen (Nederland) (7 kinders).
Wapen: In 1946 is ‘n nuwe wapen ontwerp, wat ‘n onderdeel van die wapen van die Nederlandse familie Van Oosterhuizen insluit, nl. drie rose, maar waaraan ter onderskeiding ‘n skildhoof met ‘n klawerblaar toegevoeg is, sodat dit nou is: In rooi drie goue rose, geplaas 2 en 1, en op ‘n skildhoof van goud ‘n groen klawerblaar.
Malan
July 9, 2010
Betekenis: 'n Melaatse. Dié naam is waarskynlik as skimpnaam gegee aan dié wat afvallig aan die Rooms-Katolieke geloof was en is toe deur hierdie "ketters" tot erenaam verhef.Stamvader: Jacques Malan, van Merindol naby Abignon in Provence of van La Motte-d'Aigues (albei in Suidoos-Frankryk), geb. ca. 1672, oorl. ca. 1742. Kom waarskynlik in 1688 hier aan op die skip Berg China. Hy het op 18.10.1694 eienaar geword van 'n plaas in Franschhoek wat hy "La Motte" genoem het; hy het dit in 1719 verkoop. In 1709 het hy "Morgenster", een van die vier gedeeltes van "Welgelegen", die landgoed van Adriaan van der Stel, gekoop. Trou 1699 met Elisabeth le Long, wed. van Jean Jourdan (Jordaan) (7 kinders).
Wapen: Deurgesny in drie dele: rooi, blou en goud, in die skildhoof belaai met 'n silwer toring, in die dwarsbalk met drie goue Franse lelies en in die skildvoet met 'n drietoppige heuwel wat van die voet uitgaan.
Du Plessis
July 9, 2010
Betekenis: 'n Man wat van 'n klein gehuggie of landgoed kom. Oorspronklik was "plessis" net 'n omheinde grond.Stamvader: Jean Prieur du Plessis, geb. ca. 1638 in Poitiers in Poitou (Frankryk). Chirurgyn. Hy is op 20.9.1687 in die Waalse Kerk van Amsterdam opgeneem; het toe van die eiland St. Thomas in Wes-Indië gekom. Hy het in 1688 op die Oosterland na die Kaap gekom, met sy vrou Madeleine Menanteau, maar het in 1693 na Europa teruggekeer op die St. Jansland. Hy het met sy tweede vrou, Marie Buisset, weer na die Kaap gekom. Trou (Europa) Madeleine Menanteau, oorl. 1693 aan die Kaap; hertrou 29.8.1700 in Amsterdam (Nederland) met Marie Buisset, van Sedan (Frankryk) geb. ca. 1676 (7 kinders).
Wapen: In silwer 'n rooi kruis en 'n silwer hartskild belaai met drie rooi kepers. Hierdie wapen het ca. 1933 in gebruik gekom en is dié van die Du Plessis's, hertoë van Richelieu. In 1947 het 'n ander wapen in gebruik gekom, nl. net die hartskild en die silwer het hermelyn geword.
Jordaan
July 9, 2010
Betekenis: Oorspronklik Jourdan, afgelei van Jourdain, die Franse naam van die rivier Jordaan in Palestina. Ná die kruistogte het, dit 'n gewilde voornaam in Frankryk geword, waaraan talle vanne ontleen is.
Theron
July 4, 2010
Betekenis: Ontleen aan die naam van die heilige Therinus (in Frans St. Théron genoem).
Stamvader: Jacques Therond, van Nîmes in Languedoc (Frankryk), waarskynlik geb. 1668. Vlug eers na Middelburg in Seeland (Nederland). Kom in 1688 hier aan op die skip Oosterlandt as soldaat. Burger op 31.5.1688, eienaar van die plaas "Languedoc". Heemraad van Drakenstein. Oorl. 2.12.1739 in Drakenstein. Trou 1697 met Marie Jeanne des Pres (du Preez), van Béthune (Frankryk) (7 kinders).
Wapen: Charles Bell beeld in sy manuskrip (afb. 194) die volgende wapen af: In blou 'n hellebaard van silwer, linksgeplaas en omgewend.
Abrie
May 11, 2010Betekenis: Die van verwys na 'n onbekende besonderheid van die plek waar dié familie oorspronklik gewoon het.
Stamvader: Hans Abrie. Kom in 1815 hier aan land nadat sy skip tussen Victoriabaai en Heroldsbaai gestrand het. Afkomstig uit Frankryk. Trou met Maria Groeneveld (1 seun).